Saturday, July 08, 2006

കണ്ണാടി

കണ്ണാടി
ശിധി കണ്ടാണശ്ശേരി

രജനി ഞാന്‍, നിങ്ങളെന്നെ മറന്നുവോ?
സമ്പന്നകേരളമെന്നെ മറന്നാലും
സംസ്‌കാര കേരളമെന്നേ മറക്കുമോ
എന്റെ , സംസ്‌കാര കേരളമെന്നേ മറക്കുമോ
ഉന്നതവിദ്യകള്‍ മോഹിച്ചുപോയതെന്‍
ആത്മബലിയ്ക്കു കളമൊരുക്കി, എന്‍
ആത്മബലിയ്ക്കു കളമൊരുക്കി..
ചക്രം തിരിക്കുന്ന മേലാളന്മാര്‍ക്കൊരു
ജീവിതം കൊണ്ടൊരു കണ്ണാടി നല്‍കി ഞാന്‍
എന്റെ , ജീവിതം കൊണ്ടൊരു കണ്ണാടി നല്‍കി ഞാന്‍
കണ്ണാടി തന്നില്‍ പ്രതിച്‌ഛായ നോക്കുവാന്‍
മേലാളന്മാര്‍ക്കെല്ലാം പേടി തോന്നി
സ്വന്തം മുഖത്തേക്ക്‌ കാര്‍ക്കിച്ചു തുപ്പുവാന്‍
വെമ്പുന്നു ഓരോ പ്രതിച്‌ഛായയും
പ്രതിച്‌ഛായ തന്നിലേ വൈകൃതം കണ്ടവര്‍
കുത്തിനോവിച്ചെന്റെ ചാരിത്ര ശുദ്ധിയെ
ചിക്കിച്ചികഞ്ഞെന്റെ പൂര്‍വ്വ ബന്ധങ്ങളെ
അവര്‍ , ചിക്കിച്ചികഞ്ഞെന്റെ പൂര്‍വ്വ ബന്ധങ്ങളെ
എല്ലാം മറക്കാം എല്ലാം പൊറുക്കാം
എന്‍ ആത്മബലിയ്‌ക്കൊരു പുണ്യമുണ്ടാകയാല്‍
ഇങ്ങിരുന്നൊന്നു തലോടുവാന്‍
എന്‍ അമ്മതന്‍ കണ്ണീര്‍ തുടയ്‌ക്കുവാന്‍
വ്യര്‍ത്ഥമാണെങ്കിലും മോഹിച്ചു പോകയാം
എന്‍ അമ്മതന്‍ ചാരത്തണയുവാന്‍
പ്രാര്‍ത്ഥിയ്‌ക്കയെന്‍ അമ്മേ....
ഈ വ്യവസ്‌ഥിതി മാറുവാന്‍...
രജനിമാര്‍ക്കന്ത്യം കുറിക്കുവാന്‍....
എന്‍ ആത്മബലിക്കൊരു പുണ്യമുണ്ടാകുവാന്‍...
എന്‍ ആത്മബലിക്കൊരു പുണ്യമുണ്ടാകുവാന്‍....

1 Comments:

At Mon Jul 10, 06:02:00 AM PDT, Anonymous Basheer Vellarakad said...

Dear ..the poem is baseless..i dont know in which place ur living.. dont try to pretend that all people are sleeping.. u r trying to make Rajani's death as great history by avoiding the reality..!!

 

Post a Comment

Links to this post:

Create a Link

<< Home