Saturday, May 06, 2006

കുമ്പസാരം

കുമ്പസാരം

പി കെ ഉണ്ണികൃഷ്ണന്‍


പാപത്തിന്‍ പ്രളയം
ഓസോണ്‍ പാളിയില്‍
തുള വീഴ്‌ത്തുമ്പോള്‍
കരിമേഘം ഭ്രമണപഥത്തിലെ
സൂര്യനെ മറയ്ക്കുമ്പോള്‍
എന്റെ കളിവഞ്ചികയോരോന്നും
നിലയില്ലാകയങ്ങളില്‍
താഴുമ്പോള്‍
ഫാദര്‍
ഞാനീ പള്ളിമണിയുണര്‍ത്തുന്നു.
വിശുദ്ധഗ്രന്ഥത്തിലെ
വാക്യം അച്‌ഛന്‍ മൊഴിയുന്നു.
വിശ്വസ്തനായ സുഹൃത്ത്‌ ജീവാമൃതാകുന്നു.
ഫാദറിന്റെ ചെവിയില്‍
ഞാന്‍ ഓരോന്നും മൊഴിയുമ്പോള്‍
നിറഞ്ഞു നില്‍ക്കുന്നത്‌
ള്ളരിപ്രാവിന്റെ ശാന്തത!
നിനക്കും എനിക്കുമിടയില്‍ ദൈവം
തുമ്പികളില്‍ പാറിവീഴുന്ന
വെട്ടമെന്നു ഫാദര്‍
കുമ്പസാരത്തിന്റെ
അവസാനം ഞാന്‍
ഫാദറിനോട്‌ പറഞ്ഞത്‌
ഞാന്‍ വെളിപ്പെടുത്തുന്നു

"എനിയ്ക്കൊരു സുഹൃത്തിനെ വേണം"


0 Comments:

Post a Comment

Links to this post:

Create a Link

<< Home