ഭിക്ഷാംദേഹി

ഭിക്ഷാംദേഹി

--ഗിരിജാമേനോന്‍

‍തെരുവിന്റെ ഓരം ചേര്‍ന്ന് നടന്നു വരുന്ന
ഒരു ഭിക്ഷാംദേഹിയുടെ കയ്യില്‍
വക്കൊടിഞ്ഞ ഒരു പിത്തള പാത്രമുണ്ടായിരുന്നു..
അതില്‍ വീണുകിടന്ന ഒന്നു രണ്ടു-
നാണയത്തുട്ടുകളെ കാണിച്ച്‌-
അയാള്‍ ഭിക്ഷ തുടര്‍ന്നുകൊണ്ടേയിരുന്നു!
നേര്‍ത്തുവരുന്ന അയാളുടെ മുറവിളികളും,
മൌനങ്ങളും-
കാലത്തിന്റെ തിരക്കില്‍ പാറി നടന്നു!
നീണ്ട യാത്രക്കിടയില്‍,കാലത്തെപ്പറ്റിയുള്ള
കണക്കുകൂട്ടലുകള്‍ അയാള്‍ നിറുത്തിയിരിക്കുന്നു..
പക്ഷേ-
അയാള്‍ തിരിഞ്ഞു നടക്കുമ്പോള്‍
അയാള്‍ക്കൊരു സ്‌ത്രീയുടെ നിഴലായിരുന്നു!!