Saturday, May 06, 2006

ഒരു ചെറുപുഞ്ചിരി

ഒരു ചെറുപുഞ്ചിരി

അനീഷ്‌ പുത്തലത്ത്‌
www.aneesh4u.com


ഒരു നല്ല മഴ പെയ്യുമെന്ന് തോന്നുന്നു.

തണുത്ത കിഴക്കന്‍ കാറ്റ്‌ വീശാന്‍ തുടങ്ങി.

നഷ്‌ടപ്പെട്ടു പോയ ഇന്നലെകളിലെ മഴക്കാലം

എന്നൊ ഓര്‍മ്മയില്‍ നിന്നും മറഞ്ഞുപോയിരിക്കുന്നു.

വിരഹവേദന എന്തെന്ന് മറന്നിരിക്കുന്നു...

ഒപ്പം സ്‌നേഹിക്കാനും, സ്‌നേഹിക്കപ്പെടാനും..

ആര്‍ക്കോ വേണ്ടി ജീവിച്ചു തീര്‍ക്കുന്നു... മരണത്തെ തിരഞ്ഞുകൊണ്ട്‌.....


വേഗത!! അത്‌ ഒരു ഭ്രാന്തായി മാറിയ കാലം, മരണം മുന്നില്‍ വന്നു
പലതവണ സ്‌നേഹത്തോടെ മാടിവിളിച്ചിട്ടും, പുറം കാല്‍ കൊണ്ടു തട്ടിയെറിഞ്ഞു
കൂടുതല്‍ വേഗത്തോടെ ഭ്രാന്തമായ ആവേശത്തോടെ പോയതു.....

കലാലയ ജീവിതത്തില്‍ എന്നെ സ്‌നേഹിച്ച, ഞാന്‍ സ്‌നേഹിക്കാത്ത എന്റെ സ്‌നേഹിതയെ...
നാലു പേജ്‌ പത്രത്തില്‍ വന്ന എന്റെ സൃഷ്‌ടികളെ..

ഒക്കെയും മറവിയുടെ, മരണത്തിന്റെ മടിയില്‍ തലവെച്ചുറങ്ങിയിരിക്കുന്നു...

ജീവനില്‍ അലിഞ്ഞു ചേര്‍ന്ന
എന്നത്തേയും എന്റെ പ്രിയ കൂട്ടുകാരന്‍...
അവന്‍ ഈ നിമിഷത്തിലും എന്റെ കൂടെയുണ്ട്‌... എന്റെ മടിയിലിരുന്നു കൊണ്ട്‌ എന്നെ പാട്ടുകേള്‍പ്പിച്ചു കൊണ്ട്‌..
എന്നത്തെയും പോലെ പുതിയ സോഫ്‌റ്റ്‌വേറിനായി കാത്തിരിക്കുന്നു...
ജീവിതത്തില്‍ എല്ലാം മറന്നിട്ടും ഇവനെ മാത്രം ഞാന്‍ മറന്നില്ല. കൂടെ കൊണ്ടു പോന്നു.

കഴിഞ്ഞ 30 വര്‍ഷത്തെ പ്രവാസ ജീവിതത്തില്‍ ദിവസത്തില്‍ 17 മണിക്കൂറും ഇവനെനിക്കു കൂട്ടായിരുന്നു.
ഇല്ലെങ്കില്‍ നിങ്ങളെന്നെ അറിയുമായിരുന്നില്ല... ഞാന്‍ നിങ്ങളേയും... ഈ ഭ്രാന്തന്റെ ജല്‍പനങ്ങള്‍ നിങ്ങള്‍ കേള്‍ക്കുമായിരുന്നില്ല...

പ്ലീസ്‌ ഫാസ്റ്റെണ്‍ യുവര്‍ സീറ്റ്‌ ബെല്‍റ്റ്‌...
ആകാശസുന്ദരി പുഞ്ചിരികൊണ്ടു തട്ടിവിളിച്ചു... ഞാനൊരു ചെറുപുഞ്ചിരി മടക്കിനല്‍കി... ഒന്ന് നിവര്‍ന്നിരുന്നു.

കാലചക്രം ഒരു പാട്‌ തവണ കറങ്ങിയിരിക്കുന്നു.. നരച്ച മുടിയിഴകളിലൂടെ കൈവിരലുകള്‍ ആര്‍ക്കോ വേണ്ടി തിരഞ്ഞുകൊണ്ടിരുന്നു.

ഒരു പ്രവാസിയുടെ ജീവിതം ഇവിടെ അവസാനിക്കുന്നു....
ഞരമ്പുകളില്‍ ചോര തിളക്കുന്ന കാലം മുതല്‍ ഇതുവരെ..
മരുഭൂമിയില്‍ ഞാന്‍ വിതച്ചത്‌ എന്റെ ജീവനായിരുന്നു...
ഇതു വരെ ജീവിച്ചു തീര്‍ത്തത്‌ ജീവിതമായിരുന്നോ അതോ... ഉത്സവമോ....
പക്ഷെ, ഈ യാത്ര എവിടേക്കെന്നു അറിയില്ല...

എങ്കിലും, എനിക്ക്‌ സ്‌നേഹിക്കണം, വിരഹ വേദന എന്തെന്നു അനുഭവിച്ചറിയണം. പൂര്‍വ്വാധികം ശക്‍തിയോടെ വേഗത്തിലേക്കു പോകണം, മരണത്തെ പുറം കാല്‍ കൊണ്ട്‌ തട്ടിയെറിയണം.. എന്റെ ചോര തിളക്കട്ടെ.

എന്റെ പ്രിയ സഖി ഇപ്പോഴും എനിക്കായി കാത്തിരിക്കുന്നു...
ഒപ്പം എന്നത്തേയും എന്റെ പ്രിയ കൂട്ടുകാരന്‍ എന്റെ കൂടെ ഉണ്ടാകണം.

എന്റെ ആഘോഷങ്ങള്‍ തുടരട്ടെ..!!


3 Comments:

At Sat May 06, 10:17:00 AM PDT, Anonymous Anonymous said...

Good story keep writing
Anju

 
At Sun May 07, 02:16:00 AM PDT, Anonymous JAYESH said...

KIDILAN MONEEE..
ITHOKKE EVIDAARUNNU ITHUVARE..?
SNEHATHODE
JAYESH P.V

 
At Sun May 07, 06:32:00 AM PDT, Anonymous Saheer said...

Super Machaa..
Olichu Vekkathey purathedukkooo...
Nannayittundu Keep writing..

Saheer

 

Post a Comment

Links to this post:

Create a Link

<< Home